كمل جميلك يابطل بقلم الشاعر سمير احمد القط
……..
كمل جميلك يابطل
واعدل زمامها
انت اللى وافى بعهدها
وعارف مقامها
وانت اللى حابب مجدها
ونيلها وعلمها
وانت اللى حييت
الزعيم لما فهمها
كمل جميلك يابطل
وامشى الخطاوى
واحنا وراك كلنا
لو كنت ناوى
اوفى كمان بعهدنا
زِيح البلاوى
وبَدّل جراحنا وحزننا
بالفرح داوى
كمل جميلك يابطل
نسينا ماضى
سود حياتنا وغمنا
فرح اعادى
وباع قنالنا وارضنا
بالنهضة نادى
وموت شبابنا
وَضَلنا وهو راضى
كمل جميلك يابطل
واكتب فى نصرك
شوفنا جمال عاد لنا
عَصره ده عَصرك
واللى يكون زينا
يهتف بمصرك
يبقى ده فرد مننا
نصره فى نصرك
كمل جميلك يابطل
واسلك طريقك
ماعرفنا احنا واهلنا
مين العدو ومين صديقك
اللى يصون عرضنا
ويمشى طريقك
كمل جميلك يابطل
رجع نهارنا
ايدينا فى ايدك يابطل
نعدل مسارنا
ما انت اللى فعلا مننا
ومداوى جراحنا
كمل جميلك يابطل
وخد بايدنا
ده النصر فارد فرحته
وانت زعيمنا
اعبر وهات شمسنا
ونور وزيدنا
ونظف ساحة مصرنا
م اللى يعاندنا
كمل جميلك يابطل
كمل جميلك يابطل
